MANILA, Philippines – Isang 23-taong-gulang na babaeng Briton ang nagsampa ng kasong panggagahasa sa isang Pinoy na gumagawa ng dreadlocks sa isla ng Boracay.
Naghayin ng reklamo ang babae ng panggagahasa laban sa 36-anyos na si Carlos San Jose ng Quezon City. Isinampa ang kaso sa Aklan Regional Trial Court noong Lunes.
Ayon sa babaeng Briton, ginasaha siya ni San Jose sa loob ng kanyang inuupahang kuwarto sa isang resort hotel sa isla noong Enero 26.
Bago ang umano'y panggagaha, kumain muna sila sa isang restawran at nag-inuman. Ayon sa Briton, hindi niya akalaing sasamantalahin ng Pinoy ang kanyang pagkalasing.
Naaresto na ng mga pulis si San Jose na nakakulong ngayon sa Aklan Rehabilitation Center.