Panibagong petisyon vs RH law inihayin sa SC
January 15, 2013 | 12:31pm
MANILA, Philippines – Dalawang grupo mula sa Mindanao ang naghayin sa Korte Suprema ng pangatlong petisyon para sa temporary restraining order (TRO) sa Reproductive Health (RH) law ngayong Martes.
Ang Medical services company Serve Life CDO at educational institution Rosevale Foundation na parehong nakabase sa Cagayan de Oro City at pinangunahan ng pediatric surgeon Nestor Lumicao ang nagsampa ng pangatlong petisyon kontra RH Law. Kinukwestyon ng mga grupo ang konstitusyonalidad ng mga probisyon ng RH law tungkol sa contraception.
"We [are] the first petitioners against RH from Mindanao and the first academic institution as co-petitioner," sabi ng anak ni Lumicao na si Anthony sa isang text message.
Isinumite ng nakababatang Lumicao ang 25-pahinang petisyon upang ipatigil ang bagong batas.
Ang mag-asawang James Imbong at Lovely-Ann ang unang naghayin ng petisyon noong Enero 2 habang ang Alliance for the Family Foundation ang ikalawa noong Enero 9.
Hindi pa nag-aanunsyo ang mataas na hukuman kung kailan sisimulang pag-usapan ang mga petisyon sa RH law na pinirmahan ni Pangulong Benigno Aquino III noong Disyembre ng nakaraang taon.
BrandSpace Articles
<
>
- Latest
- Trending
Trending
Latest
Trending
Latest
Recommended
1 day ago
1 day ago
2 days ago
