Nagre-recycle ka ba ng regalo?

“Hindi. Konti lang kaibigan ko kaya konti lang din ang natatanggap kong regalo. Siyempre lahat yun, tinatago ko. Saka baka mamaya makita ng nagregalo sa akin na ni-recycle ko yung regalo niya eh.” - Lhar, Manila

“Aminado ako riyan. Pero mostly ang pinamimigay ko lang na iniregalo rin sa akin yung mga common things na natatanggap. Like mugs, payong, at kung anu-ano pa. Hindi ko naman gusto mangolekta ng mugs. Kesa matambak lang sa bahay, eh ‘di ipangreregalo ko na lang ulit.” - Jayson, Laguna

“Depende po. May mga bagay na kahit ‘di ko ginagamit, kini-keep ko pa rin. Para sa akin wala naman masama roon. At least nakatipid ka saka yung gamit ay magagamit pa ng iba.” - Chard, Bataan

“Hindi. Parang nakakahiya kasi sa nagregalo. Alam mo yun... Nag-effort yung tao sa regalo niya then all of a sudden mapupunta sa iba. Kung sa akin ginawa yun, parang magtatampo ako.” - Elmo, Pasay

“Siyempre kung mamahalin yan ‘di ko yan ire-recycle. Pero yung mga regalo na lagi kong natatanggap tulad ng panyo. Okay lang na iregalo yun kasi hindi mahahalata.” - Juan, Manila