Spoiled brat na anak

Lahat ng magulang ay gusto kung ano ang best para sa kanilang anak. Maganda ang intensyon ng mga magulang na magbigay ng regalo sa mga anak lalo na kung maganda ang grades na nakukuha ng mga bata sa eskuwelahan.  Upang maiwasan na huwag ma-spoil ang mga anak ay turuan sila habang maaga na matutong makuntento kung ano lamang muna ang meron sa kanilang mga kamay, sa lamesa, o gamit nila sa bahay o school.

Kapag ang anak ay natuto na magpasalamat kung ano ang meron sila, hindi na rin ito magrereklamo o magde-demand na manghingi ng kung anu-ano pa. Ang mga bata sa lahat ng edad nito ay puwedeng matutunan na mag-practice ng gratitude sa pagsasabi ng “thank you.” Kahit ang magsilbi sa ibang tao lalo na sa mga kapus-palad.

Ang mga anak na ma­a­gang ma-appreciate ang mga bagay na meron sila ay malayong maging spoiled brat na mga bata.

Sa halip ay mas magi­ging masaya ito sa kung ano lamang ang puwedeng maibigay nina tatay at nanay.

Importante na ma­ging kuntento sa anomang sitwasyon pansamantala upang lumalaking masayahin ang mga anak.