Bunso ikinukumpara kay Ate

Dear Vanezza,

Nagpipilit ang nanay ko na kumuha ako ng pharmacy, gusto ko sanang dumeretso agad sa medicine. Dina-down ako ni nanay na baka raw hindi ko kayanin. Pangarap kong magdoktor, pero walang tiwala sa akin si nanay na feeling niya ay baby pa rin ako bilang bunso.

Mas paborito niya si ate na mahilig kumanta at mag-model. Mas mabilis daw kumita ng pera, samantalang ako raw ay matagal pa at gagastos pa ng pera kahit may negosyo naman kami. Nalulungkot ako sa pagtrato ng magulang ko sa amin ni ate. Ano po ang gagawin ko?  

Ken

Dear Ken,

Huwag panghinaan ng loob. Pwede gawing pre-med ang iyong kurso pharmacy. Kung desidedo ay saka ituloy sa medicine course. Kausapin din si nanay sa iyong iniisip na ipaliwanag ang side mo kung bakit ayaw mo ang sinasabi niyang kurso.

Pakinggan si nanay, baka natatakot si nanay na hindi mo matapos ang medicine course, kaya gusto ka niya munang kumuha ng premed na courses. Marahil ay natutuwa lamang siya kay ate, pero hindi ibig sabihin ay hindi ka na niya mahal. Mag-usap kayo ni nanay upang malinawagan ang hindi pagkakaintindihan sa inyong pamilya.

Sumasainyo,

Vanezza