Parrot tinimbrehan ang amo, sumigaw ng ‘mama, police!’

Timbog sa mga awtoridad sa isinagawang drug raid ang isang parrot kasama ang kanyang among drug suspect sa Brazil.

Ayon sa ulat ng Washington Post, sinugod ng mga pulis ang bahay ng pinaghihinalaang tulak ng droga na si Vila Irmã Dulce.

Pero nang makita umano ng parrot ang paparating na mga pulis, sumigaw umano ang ibon ng “Mamãe, polícia!” na ang ibig sabihin ay “Mama, police!”

Ayon sa mga awtoridad, maaaring sinanay ng suspek ang parrot upang mabantayan ang kanilang mga transaksyon.

Pagkatapos isama sa presinto ay dinala ang ibon sa zoo kung saan siya tuturuan ng mga zookeeper na lumipad.

Hindi ito ang unang beses na ‘ginamit’ ang parrot ng mga drug-trafficking suspects. Noong 2010, isang parrot na may pangalang Lorenzo ang gumawa rin ng ingay nang sabihan ang kanyang amo ng “Takbo! Takbo!” (sa wikang Spanish).