Mga bisyo bago matulog nakakaapekto sa sex life
Kapag nasa kama na bago matulog, kung anu-ano pa ang ginagawa natin.
Andami pang kung anu-anong routine imbes na pagtuunan ng pansin ang katabi mo sa kama.
Normal na lang sa atin ang mga karaniwan nating ginagawa kapag nasa kama ngunit ang hindi natin alam, ay unti-unti nitong sinisira ang ating relasyon at sex life.
Narito ang mga bisyo ayon sa artikulong lumabas sa insider.com na nakakasira sa ating sex life.
Nauna na nating natalakay ang tungkol sa paggamit ng gadgets at Panonood ng TV.
Katamarang magpalit ng KOBRE KAMA
Hindi na kailangang sabihin pa ito. Regular dapat ang pagpapalit ng bed sheet. Kung madumi at mabaho ang bed sheet, hindi ito makakatulong kung nais na maging bongga ang inyong sexual activity.
Imbes na kung anu-anong gadgets ang pinagtutuunan ng pansin, bakit hindi ka muna magpalit ng bed sheets.
Dapat kasi ay relax na relax. Mabango at malinis ang paligid para kakaiba ang ambiance.
Common sense lang din naman. Maraming maiipong dumi, alikabok at germs sa bed sheet kung matagal itong hindi napapalitan. Kung isa sa inyo ay nagkasakit, dapat magpalit ng bed sheet.
Hindi lang ito para sa hygiene, makakatulong din ito sa inyong sexcapades.
- Latest
