‘The blind date’
Isa ang blind date sa mga paraan para makakilala tayo ng mga bagong tao o ‘di kaya naman ay bagong pag-ibig, pero kadalasan ang pakikipagkita sa isang taong hindi pa lubusang kilala ay posibleng magdala sa atin sa kapahamakan.
Isang netizen ang naglahad ng karanasan noon ng kanyang ina tungkol sa pakikipag-blind date. Taong 1989 daw noon nang makipagkita ang kanyang ina sa date nito, masaya naman daw ang kanilang pag-uusap pero wala raw itong spark na naramdaman kaya naman nag-iisip na siya ng mga paraan at dahilan para makaalis.
Nagpaalam ang ka-date nito na magpupunta lang muna sa banyo, sakto namang lumapit ang waiter sa restaurant ng kanilang kinakainan at tinanong siya kung ayos lang ba siya, sinabi nitong nasa blind date siya at hindi siya nag-e-enjoy.
Nag-offer naman ang waiter na kung gusto raw nito ay isasabay na lang siya pauwi dahil pauwi na rin naman daw ito, hintayin lamang daw siya nito pagkatapos ng sampung minuto. Pasagot na raw sana siya ng “oo” pero biglang dumating na ang kanyang ka-date.
Tumingin siya sa waiter at umiling na lamang, senyales na tumatanggi siya.
Nakauwi siya ng maayos ng araw na iyon.
Kinagabihan, binuksan nito ang TV at nakita ang isang balita na may pinatay daw na babae sa likod ng isang restaurant, nagulat siya nang makita ang restaurant na kinainan nila ng ka-date kahapon, pero ang mas ikinagulat niya ay nang makita kung sino ang killer – ang waiter.
- Latest
