Lunas sa Sunburn

Ngayong lalong umiinit ang summer at isa sa kinakaharap na problema ng mahihilig sa beach ay ang sunburn.

Nauna nang naisulat sa column nito ang pagiging epektibo ng suka (apple cider vinegar) sa antioxidants na panlaban sa free radicals maging sa bacterial at fungal infections.

Nare-restore rin ang pH level sa ating balat sa tulong ng suka.

Normally, natutuyo ang suka sa loob ng dalawa hanggang tatlong minuto. Agad na mararamdaman ang cooling at relaxing sensation pagkatapos nito.

Isa pa sa masasabing effective na pampagaling sa sunburn ay ang aloe vera. Katunayan, tinatawag din ito bilang “burn plant” dahil sa kakayahan nitong makapagpagaling ng malalang sunburn.

Ayon sa ilang pag-aaral, napatunayan nang napabibilis nito ang paggaling ng sunburn. Dagdag pa rito, napalalambot nito ang kutis kaya mababawasan ang pagbabalat ng balat.

Maaaring gamitin ang fresh aloe vera gel o kaya naman ay bumili ng organic aloe vera oil at ipahid nang direkta sa balat.