Bad money habits

Lahat ay gustong magkaroon ng financial success, pero ano ba ang kinagawiang money habits na pina-practise? Ang money habits mo ba ay nakatutulong na ma-achieve na magkaroon ng financial freedom o mas naaapetuhan ng negatibo ang  finances ng pamilya? Alamin ang signs na ikaw ay may bad money habits.

Ang isang senyales ay kapag hindi humihingi ng financial advice mula sa professionals. Kung inaakalang hindi mo kailangan ng financial advice mula sa professional, nagkakamali ka. Maraming tao ang hindi marunong pagdating sa pera na inaakalang wise na sila sa pag-manage ng tinatanggap na suweldo. Pero bakit hindi ka nakakaipon o baon sa utang?

Ang totoo ay hindi talaga alam kung paano i-handle ang lahat ng detalye ng iyong pera at finances kaya mas dapat na manghingi ng tulong sa isang financial advisor. Upang mabigyan ka ng direksiyon kung saan dapat inilalagay ang iyong pera nang hindi ka nahihirapan. Kung hindi afford ang financial advisor kausapin ang taong mayroong sapat na idea at kaalaman sa financial world.

Kalimitan ay mayroong personel sa mga bangko na handang magbigay ng service sa mga taong nanghihingi ng financial advice depende sa interest kung saan gustong dalhin ang inyong pera. Kung paano kapag may sakit ay kailangan ng doktor, ganundin sa ating finances na kailangan ng financial adviser na gagabay sa ating kaperahan.