Anak Sinisingil ni Nanay

Dear Vanezza,

Isa akong nurse, pero maniniwala ka ba na naniningil ang nanay ko bilang kabayaran daw na maganda na ang buhay ko ngayon. Noon pa man ay kakaiba na ang nanay ko sa lahat, na walang inatupag kundi ang magsugal. Wala na si tatay na siyang nagpaaral sa akin.  Wala na rin nagbibigay kay nanay ng pera. Ibinenta pa ni nanay ang naipundar kong bahay at lupa. Payo ng mga kaibigan ko na lumayo ako kay nanay dahil sa sobrang sama ng ugali nito. Tama ba ang gagawin ko?  - Liz

Dear Liz,

Marahil ay tama ang mga kaibigan mo, habang alam ng nanay mo na may nakukuha siyang pera ay hindi ito titigil sa pagsusugal. Pero hindi ibig sabihin na pababa­yaan mo na siya. Huwag kang sumuko na paalalahanan ang nanay mo sa kanyang pagsusugal. Maghanap ka ng ibang kamag-anak na maaaring makinig ang nanay mo.

Sumasainyo,

Vanezza