Pagrerebelde ng Teenager na Anak

Isa sa struggle ng magulang kapag ang anak ay tumungtong na sa teen-age life. Iba-iba ang pagpasok ng adolescence period sa mga bata. Mayroong early bloomers, late, may mabilis ang pagdebelop, at slow ang proseso, pero ito ang mga mas steady ang paglaki.

Huwag mabibigla dahil normal lang ito sa mga anak na ang iba ay talaga naman may dramatic ang pagbabago ng behavior. Ang iba ay  nagsisimula nang humiwalay sa magulang. Gusto nang maging independent. Iba na rin ang tingin nila sa paligid kaya nagpipilit maging “in” sa mga kaibigan o ibang tao. Dahil kakaiba rin ang kanilang tingin sa sarili na gustong maging belong o makilala sa mundong ginagalawan na nagreresulta ng pagkadismaya at conflict sa magulang.

Karaniwan ang kabataan ay kabilang sa stereotype na rebelde na sumasalungat kina nanay at tatay. Pero hindi naman lahat ng teens ay may ups and downs o pasaway. Ngunit ang pinaka-goals ng lahat ay magkaroon ng kalayaan. Kaya nagsisimula na silang humiwalay kina daddy at mommy lalo na kung close sila sa mga magulang. O yung ayaw na mahiwalay sila sa paningin o tabi nina nanay at tatay.

Kaya kung nagrerebelde ang anak ay baka maaaring kinokontrol mo sila. Tandaan bigyan ng lugar ang anak na mag-grow individually. Payagan ang anak na magkaroon ng desisyon  at maranasan ito na ayon sa patnubay ng magulang.