Sanhi ng Pananakit ni Manoy (2)
May iba’t ibang dahilan ang nararamdamang pain sa penis.
Maaaring ito ay may kasabay na pangangati, irritation, at iba pa.
Maaaring ito ay dahil sa aksidente o sakit na puwedeng mangyari sa kahit na anong edad.
Ang mararamdamang sakit ay depende sa sanhi nito.
Anumang sakit ang nararamdaman sa penis ay dapat bigyan ng pansin lalo na kung nararamdaman ito sa tuwing may erection, tuwing umiihi, at may kasabay na discharge, pamamaga at pamumula.
Isang dahilan ng penis pain ay ang Peyronie’s Disease o pagbaliko ng penis na nauna na nating natalakay.
Narito ang iba’t ibang maaaring sanhi ng penis pains.
Priapism - Ang Priapism ay isang kondisyon kung saan ang penis ay matagal na naka-erect na kadalasan ay masakit na hindi sanhi ng pakikipagtalik.
Ang ganitong erection ay nangyayari kahit na hindi ka naman makikipag-sex. Ang pakiramdam ay masakit at matagal ang erection.
Ang priapism ay mapanganib dahil ito sa dugong nakulong sa loob ng penis.
Kapag hindi nakaka-circulate ang dugo na dahilan para hindi makapasok ang oxygen sa cells na bumubuo sa structure ng penis, namamatay ang mga naturang cells na maaaring magresulta ng tissue damage, scar tissue, at sa mga malalang kaso ay permanent erectile dysfunction.
Ang sanhi ng Priapism ay ang mga sumusunod:
• side effects ng gamot para sa erection problems o gamot para sa depression
• blood clotting disorders
• mental health disorders
• blood disorders, gaya ng leukemia o sickle cell anemia
• alcohol
• illegal drugs
• injury sa penis o spinal cord
- Latest
