Malusog na Puso

Ang Pebrero ay hindi lang para sa paghahanda sa Araw ng mga Puso ng mga lovers, kundi nagsisilbi rin itong buwan para palaganapin ang kaalaman sa sakit sa puso at kung paano ito maiiwasan.

Ang heart disease ay isa sa pangunahing dahilan ng kamatayan ng mga lalaki at babae sa buong mundo.  Ang magandang balita ay puwede itong maiwasan kapag pinili ng tao na kumain ng healthy na pagkain at i-ma­nage na maging maganda ang kundisyon ng pangangatawan. Dapat lang na magsama-sama ang kumunidad, health centers, at pamilya na himukin ang mga tao na magkaroon ng malusog na puso.

Tulad ng pagbabawas ng pagkain ng maaalat, mag-ehersisyo, bantayan ang weight, tumigil sa paninigarilyo at lumayo na malanghap ang usok ng sigarilyo, kung hindi maiiwasan ang pag-inom ng alak ay gawin lang ang katamtaman na pakikipagtoma sa mga kaibigan, maging aktibo, at piliin ang pagkaing masusustansiya tulad ng gulay at prutas na pampalusog ng puso at katawan ng tao.