Proteksyon Laban sa Cyberbullying

Ang bullying ay kinikilalang isang marahas na pag-uugali na ang intensyon ay manakop ng power o strength sa ibang tao.

Ito ay paulit-ulit na behavior na maaaring physical, verbal, o relational na ugnayan ng dalawang tao.

Ang mga boys ay  madalas nang ma-bully ng pisikalan; ang mga girls ay nabu-bully na hindi isinasali sa grupo. Ang bullying ay naging bahagi na ng maraming eskuwelahan at  trabaho sa mahabang panahon.

Ngayon ay mas lumawak pa ang venue ng pambu-bully  sa pamamagitan ng social media. Kasali na rin dito ang Cyberbullying na nagaganap sa online at cell phone sa pagpapadala ng text messages o emails mula sa ibang tao.

Para maiwasan ang Cyberbullying protektahan ang sarili:

Post – Think before you click, ang laging paalala sa bawat ipo-post sa social media. Hindi natin alam kung ano ang puwedeng i-forward ng ibang tao. Ang pagiging “kind” sa iba sa online ay makatutulong sa iyo na maging safe. Huwag magsi-share ng maaring makasakit o ikakahiya ng iba.

Password – Sabihan ang mga anak na huwag ibibigay sa iba ang kanilang password. Dahil magagamit ng mga kaibigan at classmate ng anak ang account ng bata sa hindi magandang bagay. Kaya ipaalam din sa magulang ang password ng anak.

Rules – Ipaalam sa magulang kung ano ang ginagawa mo sa online. Payagan na i-friend at i-follow ka ng magulang sa social media. Sumunod sa schedule kung kailan lang dapat pinapayagan na mag-computer. 

Safe - Kaya kausapin din ang magulang o ibang pinagkakatiwalaang miyembro ng pamilya  kapag may text messages o post na tinatakot ka; may mensahe na nakakasakit; at nagiging dahilan na maging malungkot ka.

Mas lalong lalala ang sitwasyon kapag mananahimik lang. Makatutulong ang teacher o magulang sa nararanasang pambu-bully.  Kausapin din ang biktimang na-bully at iparamdam sa kanya na hindi siya nag-iisa.