Paano Kapag Sinisinok?

Bilin ni Lola Daleng ay huwag babawasan ang itlog na itinago niya sa gilid ng mesa dahil lulutuin niya ito kinabukasan.

Tumango lang ng ulo ang apong si Nene habang nagpupunas ng lamesa, na hindi matigil ang pagsinok kahit uminom na ito ng tubig.

Nilapitan ni Lola Daleng ang bata, sabay sabing “Siguro nagnakaw ka ng itlog noh?” pangungusisa ng matanda sa apo.

Laking gulat ni Nene na namumula na sinasagot ang lola. “Paano po ninyo nalaman la?” nabiglang sagot ng apo sa matanda.

Nabuko ng wala sa oras ang bata, at saka lang nalaman ni Nene na talagang ginugulat ang sinumang sinisinok sa pagtatanong kung ito ay nagnakaw ng itlog. Para matanggal ang pagkasinok dahil na nawala sa ­timing ang paghinga dulot ng muscle spasm na nararanasan. Sadyang kusa itong nawawala, pero sinasabing na kapag madalas ang pagsinok ay sintomas din ng ibang seryosong sakit.