Madalas ka bang ‘Constipated’?

Mahirap umire. Halos mawindang ang iyong mundo. Mas gugustuhin ko pang manganak kaysa maranasan ang constipation. Narito ang tips ng mga eksperto para wala nang “ire” :

1—Huwag lumaktaw ng ‘meal’. Kumain sa oras ng almusal, tanghalian at hapunan. Kung hindi ka kakain, hindi uusod palabas ang mga pagkaing naka-stand by sa iyong bituka. Ayon kay Joanne A.P. Wilson, MD, a gastroente-rologist and professor of medicine at Duke University Hospital in Durham, North Carolina, mas mainam kung ang kakainin sa almusal ay mayaman sa protina.

2—Ang pag-inom ng isang tasang mainit na kape ay nakakatulong din upang pasiglahin ang bowel movement.

3—Kung may komplikasyon ang iyong kalusugan sa caffeine, kumain ng pagkaing may mainit na sabaw kagaya ng tinola. At least, isang tasang mainit na sabaw ang ubusin.

4—Maglakad o jogging ng 30 minutes tatlong beses kada linggo.

5—Regular na uminom ng 6 to 8 basong tubig araw-araw.

6—Mag-iskedyul ng toilet time.

7—Kung ayaw lumabas ng ebs sa loob ng 15 minutes, huwag magpumilit. Lumabas ng toilet. Baka magkaroon ng problema: hemorrhoids or a protrusion of rectal tissue, also known as prolapse of the rectum.

8—Ang tamang posisyon sa pagdumi ay nakataas ang paa sa toilet bowl. Tingnan ang larawan (illustration from Wikipedia).