Pintuang gumagalaw na mag-isa

Kadalasang problema sa ating mga tahanan ang sirang pintuan. Minsan gumagalaw itong mag-isa kahit sa simpleng ihip lang ng hangin. Nakakainis ito minsan at nagiging sagabal o sanhi ng aksidente.

Madali lang ayusin ang ganitong problema. Karaniwang dahilan ng ganitong problema sa pintuan ay ang maluwang na hinge pins. Ang hinge pins ang kumukunekta sa pintuan sa door frame. Karaniwang tatlo ang hinge pins sa isang pintuan.

Tanggalin lang ang isa sa mga hinge pin at ipatong sa matibay na work area. Pukpukin ng martilyo ang gitnang bahagi ng shaft. Ibalik ang pin at presto, mas mahigpit na ang pintuan at hindi na ito madaling gagalaw na mag-isa.

Ang slight na bent sa pin ang hihigpit sa pintuan.

Ito po ang inyong Kumpunerong Kuya na nagsasabing, kung gusto ay maraming paraan!