May ‘bad habits’ ang BF

Dear Vanneza,

Problema ko po ang boyfriend ko. Two years na kaming mag-on pero habang nagtatagal ay lumilitaw ang kanyang bad habits na nagpapawala ng gana sa akin.

Kapag kumakain kami sa labas, para siyang baboy na pumapalatak o tumutunog ang bibig niya kapag kumakain. Madalas din mangulangot in public at nagkakamot ng harap niya. Guwapo siya at gentleman nang una kong makilala kaya attracted ako sa kanya.

Pero ngayong nakikita ko ang bad habits niya, parang gusto ko nang makipag-break. Nadidiyahe naman akong magsabi sa kanya ng kanyang kapintasan at baka mainsulto. Ano kaya ang dapat kong gawin? - Bhe

Dear Bhe,

Magpakatotoo ka. Boyfriend mo siya at puwede mong sabihin ang mga bagay na ayaw mo sa kanya na dapat niyang ayusin. Walang masama sa kritisismo basta’t ito’y para sa ikabubuti at hindi sa layuning mang-insulto. Nang sagutin mo ang bf mo presumably ay mahal mo siya. Kung mahal mo ang tao, hindi mo ipagwawalang-bahala kung may nakikita kang palpak sa kanyang pagkatao. Open up. Sabihin mo ang kanyang kapintasan para mabago niya ang kanyang sarili. Give him ang chance to refom at kapag wa epek, doon ka makipag-break.

Sumasaiyo,

Vanezza