Pineperahan ang BF

Dear Vanezza,

Tama ba yung iniisip ko na naniniwala yung bf ko sa kaklase niya na pineperahan ko lang siya? One time n’ya pa lang naman po ako napadalhan eh. May mga signs po sa ikinikilos ng bf ko na naniniwala siya dun sa kaklase niya. May mga time po na bigla na lang siyang natatahimik ‘pag kausap ko siya sa phone. Nasa probinsya po yung bf ko. - Lyna

Dear Lyna,

Kung iniisip ng bf mo na pineperahan mo lang siya, mabuti pang ibalik mo na lang ang pera. Maaring nung pinadalhan ka niya ay wala sa isip niya ang anumang pagdududa, subalit dahil na rin sa “sulsol” ng ilang tao ay nagkakaroon siya ng mga pag-aalinlangan sa’yo. Hindi mo binanggit kung para saan yung pera. Mag-usap kayo ng personal at hindi sa phone. Tapatin mo siya kung ang pagtulong ba niya ay bukal sa kanyang loob o napipilitan lang. Dahil kung mahal ka ng bf mo, hindi ka niya pag-iisipan ng masama. Pero hindi mo rin siya masisisi kung mag-isip siya ng iba dahil mag-bf pa lang kayo ay “inuutangan” mo na siya. Baka kasi masanay ka at maabuso naman siya.

Sumasaiyo,

Vanezza