Para hindi lumagpas sa ‘friend zone’ (Last part)

Ito ay huling bahagi ng paksa hinggil sa mga paaan para maiwasan mo ang pagkakaroon ng problema sa iyong opposite sex at mapanatili ang inyong pagkakaibigan. Narito pa ang ilang tips:

Paano naapektuhan ang iyong partner? – Kung sa tingin mo masyado kang napapalapit sa isang lalaki/babae na itinuturing mong kaibigan, dapat mo itong sabihin sa iyong life partner. Maaari kasing may nakikita ang partner mo na sa panahong ito ay hindi mo pa nakikita. Puwedeng nakikita niya na maaaring  mapunta sa mas malalim na relasyon ang inyong pagkakaibigan. Dapat ka rin maging handa sa anumang ibibigay niyang suhestiyon sa ‘yo kung papayagan o hindi ka na ba niya na makipagkaibigan sa taong ito.  Kung sa tingin mo naman ay masisira ang relasyon mo sa iyong partner dahil sa pakikipagkaibigan mo sa taong ito. Dapat kang  magpaliwanag at magpasya ng tama.

Ang kanyang life partner – Kumusta naman din ang kanyang life partner  kung pag-uusapan ay ang pakikipagkaibigan niya sa’yo? Kung importante ang feelings ng iyong partner, dapat mo rin bigyan ng importansiya ang feelings ng life partner ng iyong kaibigan. Kung sa tingin mo ay pinagseselosan ka niya, bakit hindi kayo lumabas bilang group date? Ito ay para magkakilala ang isa’t isa at mabuo ang tunay na pagkakaibigan.