Alamin ang anxiety ng iyong boss

Isang katangian ng efficient na empleyado ay alamin agad ang mga bagay na nagbibigay stress sa iyong boss bago pa man siya pumasok sa opisina. Dapat aware sa nagpapainit ng ulo sa iyong bisor tulad ng kung lagi kang late, undone work, o hindi matapus-tapos na projects na nagdudulot naman sa iyo ng nerbyos sa trabaho. Mahalaga ang pagkakaroon ng listahan ng “things to do” ni boss sa kanyang calendar desk para ma-organize ang flow ng work.  Sa pamamagitan ng simpleng reminder o notes makatutulong ito kung “messy” ang office ni boss sa rami ng kanyang work load. Ikaw mismo ay kailangan may sarili notes ng mga  agenda ng iyong supervisor sa buong linggo o sa planong  activities ahead of time.  Sa pamamagitan ng pag-chat down ng mga gagawin ay malalaman mo agad ang mga dapat paghandaan o iwasan na magpapainis sa iyong head officer.  Kausapin si boss kung alin ang dapat priority para hindi matambakan ng trabaho o mabinbin na files. Huwag hintayin na ang supervisor pa ang mag-organize ng mga gagawing activities. Magkaroon ng initiative na planuhin para sa mga nalalapit na dealines ng opisina. Pag-aralan agad resolbahin ang mga “work issues” sa inyong opisina para mapagaan ang “work load” ni boss para magkaroon pa siya ng time sa mga mas mahahalagang project.