‘Art of letting go’

Dear Vanezza,

Tawagin niyo na lang po akong Rhose, 19. May anak na po ako pero hindi kami nagkatuluyan ng bf ko. Balita ko dalawa kami na naanakan niya at hawak siya sa leeg ng family ng other girl & I heard nagpupunta siya doon. Dapat ba akong mag-expect na magiging kami pa or just let him go?

Dear Rhose,

Let him go. Ngayon ka pa ba mag-i-expect na dalawa na kayong “nadisgrasya” niya? Bagaman masakit ang nangyari, ituring mong blessing o biyaya ang iyong anak. Mahalin mo siya at palakihin ng maayos. Siya ang magsisilbi mong lakas at inspirasyon para maging matatag at maka-move on na rin. Nariyan ang iyong pamilya na makakaramay mo. Pag-aralan mo na ring kalimutan ang bf mo at ituon ang panahon sa iyong anak at pag-aaral. Magpasalamat ka na lang at habang maaga ay nalaman mo ang tunay niyang pagkatao. Niloko ka man niya, pinagbayaran niya na rin naman ang ginawa niyang pag-iwan sa’yo. ‘Yun nga lang, hindi na siya nakawala sa babaeng ipinalit niya sa’yo. Bata ka pa at marami pang opportunities ang darating sa’yo basta’t wag lang puro puso ang paiiralin.