‘Love is lovelier,the second time around’

Dear Vanezza,

Tawagin mo na lang akong Rheesa, 41, dalaga. Nagkaroon ako ng bf noong ako’y 24 yrs. old. Nagmahalan kami pero napikot siya ng ibang babae. Mula noo’y hindi na kami nagkita at nabalitaan kong nagpunta na siya sa Amerika at dun sila nagpakasal nung babae. Lumipas ang maraming taon at sa tuwing maaalala ko siya ay matinding galit ang nararamdaman ko sa aking puso. Na­ging man-hater ako. Pero hindi ko sukat akalain na isang araw, babalikan niya ako. Pero sa halip na galit, hindi ko maintindihan ang aking naramdaman. Mahal ko pa rin siya. Sabi niya, gusto niyang buhayin ang aming nakaraan. Divorce na sila ng asawa niya. Sabi ko pag-iisipan ko muna itong mabuti. Iyan ang dahilan kung bakit ako humihingi ng iyong payo. Dapat ko pa ba siyang tanggapin?

Dear Rheesa,

The fact na umuwi siya matapos ang mahabang panahong pamamalagi sa Amerika para balikan ka ay patunay na mahal ka ng iyong bf. At ang pananatili mong single for all those lonesome years mula ng siya ay mawala ay patunay din na mahal mo pa rin siya. May kasabihan na “love is lovelier the second time around.” Kung naunsyami man ang pag-iibigan ninyo noong araw, hindi pa huli para dugtungan ang naudlot ninyong pagmamahalan.

Sumasaiyo,

Vanezza