Golden Toilet

Kahit gaano pa kayo kayaman, huwag gagamit ng toilet bowl or kahit toilet cover na yari sa gold plated material. Ang gold ay simbolo ng kayamanan o pera. Tuwing magpa-flush ng toilet, symbolically, ipina-flush mo rin ang iyong kayamanan. Kaya’t ang paggamit ng gold plated material sa toilet ay ikinukunsiderang bulgar sa Fengshui.

Ang Northwest direction ay nire-represent ng ama ng tahanan samantalang ang Southwest ay ina. Huwag magtatayo ng toilet sa direksiyon na ito dahil tuwing magpa-flush kayo ng toilet ay napa-flush din ang suwerte nila. Sila pa naman ang madalas ng naghahanapbuhay sa pamilya.

Kung toilet ninyo ay nariyan na sa NW or SW,  walang mabuting paraan kundi ilipat ninyo ang inyong toilet sa ibang direksiyon.

Kung may second floor kayo, iwasang maglagay ng toilet na ang makakatapat sa ground floor ay main door. Malas

Nasabi ko na ito noon pa, hindi magandang ang wall ng toilet at bedroom ay iisa.

Lalo pang masama kung ang katapat ng iyong higaan ay sa bahaging kinaroroonan ng toilet bowl.

Mas mabuti pang ang katapat ay lababo o shower pero huwag na huwag na toilet bowl. Pero sa pangkalahatan, malas na nagsi-share ng wall ang bedroom at toilet.