Masaklap na karanasan
Dear Vanezza,
Ako po si Myrna. Nagkaroon po ako ng limang boyfriends magmula nang ako’y 19-anyos pa lang pero masaklap ang aking naging karanasan sa kanila.
Ganyan ba talaga ang mga lalaki, pulos mapaglaro sa pag-ibig? Matapos kong maibigay ang aking katawan ay bigla na lamang akong iiwan. Tinuturuan ko ang aking sarili na huwag ng umibig muli dahil sa karanasan kong ito. Ngayon ay may nanliligaw muli sa akin at ramdam kong mahal ko siya. Kaya lang ay natatakot ako. Baka katulad din siya ng mga lalaking minahal ko.
Dear Myrna,
Hindi dapat katakutan ang pag-ibig. Kaya lang, ang babae ay dapat maging maingat sa sarili. Ang pagkababae’y hindi dapat ibinibigay sa bawat makarelasyon. Totoong maraming mapaglarong lalaki. Pero kung ipinapakita ng babae ang pagpapahalaga sa sarili at hindi basta-basta isinusuko ang sarili, pahahalagahan din sila ng lalaki. Sana’y nagkaroon ka ng gintong aral sa mga nakalipas mong karanasan at sikaping hindi na muling mapaglaruan.
Sumasaiyo,
Vanezza
- Latest
