Ikaw at ang paborito mong kulay

May mga angkop na kulay na nagpapahayag din ng personalidad ng isang tao. Kung ikaw ay mahilig sa kulay na:

Red/Pula – Kinokonsiderang “power house” ang kulay na ito dahil napatitingkad nito ang iyong katauhan sa gitna ng marami. Nakakapagpa­lakas din ito ng iyong mood at appeal sa iyong opposite sex kaya naman ikaw ay nagiging pansinin. Kung paborito mo ang kulay na ito ikaw ay malakas, matalino at mataas ang sexual energy. Kung ikaw ay may mataas na katungkulan sa iyong pinagtatrabahuhan, mas magandang magsuot nito para mas lumabas ang iyong “authority” sa iyong nasasakupan.

Blue/Asul – Ang kulay na ito ay napakakalmado at nare-relax nito ang mata ng tao kapag siya ay nakatingin sa kulay na ito. Sinisimbolo ng kulay na ito ang katapatan at responsibilidad kaya naman kapag ganito ang kulay ng damit mo ay nagkakaroon ng impresyon ang tao na ikaw ay mapagkakatiwalaan. Kung ikaw ay naghahanap ng trabaho at sasailalim sa interview, mas mabuting magsuot ng damit na kulay blue.

Black/Itim – Itinuturing ang black bilang pinakamisteryosong kulay dahil sumisimbolo ito sa kapangyarihan. Ito rin ang dahilan kaya karamihan sa mga may-ari ng kompanya ay nagsusuot ng kulay itim na damit. Paboritong kulay din ito ng matataba dahil nagmumukha silang payat dito.

Berde/Green – Sinisimbolo nito ang kulay ng kapaligiran o “nature”. Nagpapakita din ito ng kapayapaan sa iyong sarili. Sumisimbolo ito sa kasiyahan at kasaganaan dahil ito rin ang itinuturing na kulay ng pera. Ang taong mahilig sa green ay mapagmahal, mabilis yayaman at marunong makisama sa kapwa.

 Yellow/Dilaw – Ang taong paborito ang kulay na ito ay masayahin at joker.