Para Makabayad ng Utang

Gawin ang ritwal na ito kung walang-wala ka nang paraan upang makakuha ng pambayad sa utang. Halimbawa, mapuputulan kayo ng kuryente kapag di kayo nakabayad. In other words, pang-emergency lang ang paraang ito:

Kailangan mo ay pitong pirasong berdeng kandila dahil pitong araw mong gagawin ang ritwal. Isulat sa kapirasong papel ang perang kailangan at pangalan ng pinagkakautangan. Halimbawa: Meralco, P 8,000.

Sindihan ang isang pirasong kandila. Itirik muna ito candle holder at saka ipatong sa papel na sinulatan mo kanina. Itapat ang iyong kamay sa ibabaw ng kandila at sabihin ang mga sumusunod:

Ang kandilang ito ang tutulong upang makahanap ako ng halagang kailangan ko. Amen.

Pumikit at imadyinin na hawak mo na ang perang ipambabayad mo. Hayaang nakasindi ang kandila hanggang sa maubos. Sunugin ang papel. Pitong sunod-sunod na araw gagawin ang ritwal na ito. Upang maging mabilis ang katuparan ng wish, isabay ang pagsisindi ng kandilang kulay magenta (pinaghalong violet at red).