Kilalanin ang 12 Sun Signs Last Part

Pisces:

Ang Piscean ay malawak ang pang-unawa, easy-going, mabait, emosyonal, malambing, matulungin, malihim kaya nagiging misteryoso minsan ang dating.

Ismarte kaya hindi madaling lokohin. Masarap kaibigan dahil sincere at totoong makisama.

Kadalasan ay may dual personality ang Piscean—may oras na napakaromantiko pero minsan naman ay walang kabuhay-buhay na lover. Pero nasa kapalaran naman niya ang magkaroon ng masayang buhay may-asawa. Gusto niya’y may pinag-aralan ang kanyang mapapangasawa. Magiging ideal partner sa kanila ang Virgo at Cancer-born person.

Kung disiplina sa sarili ang paiiralin, mataas ang kanilang mararating lalo na kung ang kanilang propesyon ay may kaugnayan sa literary, nursing, law, medicine at iba pang propesyong nagbibigay ng serbisyo sa sangkatauhan. Lucky day ay Linggo, Martes, Huwebes. Hindi magandang araw ang Lunes, Sabado, Miyerkules at Biyernes. Lucky numbers ay 1, 4, 3, 9. Ang ibang numero ay walang magandang idudulot. Lucky color ay red, yellow, pink at orange. Iwasan ang blue. Ang partner sa negosyo o sa pag-ibig ay payuhang magsuot ng white, cream at green para umunlad ang takbo ng buhay.