May gf si misis

Dear Vanezza,

Itago mo na lang ako sa pangalang Macky, 40 years old. May kinalaman ang problema ko sa aking misis na hinihinala kong may kinalolokohang babae. Nang ligawan ko ang misis ko 10 years ago, isa siyang tomboy. Hindi naman siguro 100 percent ang kanyang pagka-tibo dahil napasagot ko siya. Nagustuhan ko siya dahil makinis ang kanyang balat at maganda. Kaya nga lang ay may pagka-tibo kung umasta. Ngayo’y madalas siyang late kung umuwi mula sa trabaho. Working housewife siya. Iniiwan namin ang dalawa naming anak sa aming mga magulang at sinusundo ko pagkatapos ng trabaho. Nalaman ko na may isa siyang officemate na very close sa kanya na lagi niyang kasama. Totoo kaya ang hinala ko na may relasyon siya sa babae?

Dear Macky,

Wala ako sa lugar para humusga. Pero maaaring close friend lang niya ang babaeng yun. Huwag kang agad hahatol. Magsiyasat ka muna. Mabuti nga at babae ang kanyang kasama at hindi lalaki. Pero kung may lesbian-relationship sila, mali yun. Kaya mag-imbestiga ka at kung may problema, pag-usapan ninyo nang masinsinan.

Sumasaiyo,

Vanezza