Menopause ka na ba? (1)

Malaking bahagi ng buhay mag-asawa ang kanilang sex life. Kaya lang dumarating talaga sa edad sa mga babae na haharapin na niya ang kanyang menopausal period at sa ayaw at sa gusto ng mag-asawa ay magkakaroon ito ng epekto sa kanilang pagsasama. Pero, bago ka naman mataranta dapat mo munang alamin kung anong katotohanan sa likod ng pagme-menopause ng mga kababaihan:

Hindi naman magmumukhang “prunes” – Sa totoo lang isa sa mga hindi matanggap ng mga babae ay ang mga naririnig na matutuyot gaya ng “prunes” o ubas ang maselang bahaging ito ng babae. Bagama’t unti-unting nawawala ang estrogen sa katawan ng babae habang siya ay nagkakaedad na, hindi pa rin agad mapapansin o makikita ito ng mga mata. Ayon kay Hope Ricciotti, MD, gynecologist na nagtuturo sa Harvard Medical School, maraming babae ang halos hindi napapansin na siya pala ay nakakaranas na ng pagme-menopause.

Bumili ng magandang lubricant – Dapat na tanggapin ng mga babae na isa sa mga epekto ng menopause ay ang panunuyo’t ni “nene”. Kaya lang may remedyo naman ito kung sakaling makaranas ka ng panunuyot. Bumili ng maganda, epektibo at abot kayang halaga na lubricant. Maraming babae ang nahihiyang bumili at gumamit nito, ang hindi nila alam malaki ang naitutulong nito para mas maging masaya ka sa pakikipag-sex.