Nai-insecure sa taghiyawat

Dear Vanezza,

Tawagin mo na lang akong Lonely Boy, 19, binata. Madalas na insecure ako sa mga guwapong lalaki dahil may itsura sila samantalang ako pangit na, puro pa pimples. Gusto ko manligaw ng babae pero puro taghiyawat ako. Naglilinis naman ako ng mukha pero bakit ganun wala man lang nagkakagusto sa akin? Minsan ayoko na tuloy lumabas ng bahay para hindi na ako mainsecure. Ano pong maipapayo n’yo?

Dear Lonely Boy,

‘Wag kang malungkot. Hindi pa lang marahil dumarating ang tamang babae para sa’yo. Kung nabasted ka man, charge to experience. Wala ka man gf ngayon, hindi pa naman end of the world. Bata ka pa at marami pang magagandang opportunities na darating sa’yo. Tandaan mo na ang kapangitan ay nasa paningin lang ng taong mapang­husga. Ang panlabas na itsura ay kumukupas pero ang kagandahan ng loob ay tataglayin ng isang tao kahit wala na siya sa mundo. Kaya ‘wag ka sanang mawalan ng tiwala sa iyong sarili.

Sumasaiyo,

Vanezza