Regalo para kay ‘Daddy’ Last part

Si Daddy   ba ay may problema sa pagtulog? Ang problema sa pagtulog katulad ng pagbaba ng oras sa pagtulog at kapag nagising ay hirap makabalik sa pagtulog, maaaring ito ay sanhi ng depresyon. Mga iba pang senyales ng depresyon katulad ng hirap sa konsentrasyon, iritable at laging mainit ang ulo, kawalan ng motibasyon sa buhay at balisa. Ang mga sintomas ng depresyon ay karaniwang hindi madaling madetermina agad. Kapag si Daddy ay dumaranas ng ganitong karamdaman nangangailangan siya ng medikal na atensyon at higit sa lahat ay suporta galing sa mga mahal niya sa buhay.

Si Daddy ba ay mayroong kakaibang nunal at pekas? Kapag si Daddy ay isang  Pakeha na fair complexion ng balat, siya ay may mataas na tsansang magkaroon ng skin cancer – Ang  sakit na ito ay mas malaki ang tsansang magkaroon kapag madalas magbilad sa arawan mula pa noong bata pa siya. Dapat na pagtuunan ng pansin kapag ang mga nunal o pekas ay nagbago ng hugis at sukat. Tingnan mabuti ang mga lugar sa kanyang katawan na hindi niya nakikita na maaaring pagsimulan ng skin cancer katulad ng likod at mga hita. Kapag mayroon siya ng ganitong nunal, dapat na magpasuri agad sa doctor na katulad ng dermatology o kaya magpakonsulta sa mole-mapping clinic.

Nananakit ba ang kasukasuan ni Daddy? Ang pananakit ng kasukasuan ay dulot ng iba’t ibang kadahilanan pero ang pinaka karaniwan dito ay ang osteoarthritis. Ito ay resulta ng mahabang panahon na pagkapuwersa ng mga kasukasuan sa balakang at tuhod. Mas mataas na maranasan ni Daddy ito kapag siya ay nakaranas ng pinsala katulad ng torn cartilage.