Mga pamahiin mula sa iba’t ibang bansa (Last part)

9--Sa Ukraine, dapat na ipupuwesto mo nang pabaliktad ang walis (nasa ilalim ang handle, yung pinakawalis ay nasa ibabaw) tuwing itatago sa sulok ng bahay para mapalayas ang evil spirit sa bahay. Ang kasunod nito ay pagpasok ng kayamanan sa bahay.

10--Sa Vietnam, mamalasin ang business trip kung paglabas ng bahay ay babae ang unang makasalubong. Ipinagpapabukas na lang nila ang lakad upang maiwasan ang hindi magandang pangyayari.

11--Sa Sweden, bad luck magpatong ng susi sa mesa.

12--Sa India, susuwertehin ang isang taong nakasaksi ng pusang nanganganak.

13--Sa Russia, bad luck sumipol sa loob ng bahay dahil magugulat ang guardian angel na nagbabantay ng inyong bahay. Paghihirap sa pera ang resulta ng paglayas ng angel sa inyong bahay.

14--Sa Malaysia, lalo na sa mga katutubong Malay, masamang kumanta habang nagluluto dahil ang resulta ay hindi makakapag-asawa o late marriage.

15--Sa Poland, huwag ipapatong ang wallet or bag sa sahig dahil laging magigipit sa pera ang nagma-may-ari ng bag.

16--Sa China, ang isang negosyante ay hindi dapat mag-alaga sa bahay ng pagong para gawing pet dahil magiging matumal ang kanilang negosyo.

17--Sa Mexico, malas na magsuot ng pearl ang bride. Luha lang ang makakamit niya sa kanyang buhay may-asawa.