‘Monday blues’

May mga pagkakataon na tinatamad ka magtrabaho dahil sa pagod at stress. Ang tinatawag na “Monday Blues” ay hindi nabago sa sinuman.

Pero, paano nga ba malalabanan ang “Monday blues?” Narito ang ilang paraan:

Magkaroon ng tamang oras ng tulog – Ayon sa mga eksperto, isa sa mga pinanggagalingan ng stress ay  ang kakulangan sa pagtulog. Lumalabas pa sa ilang mga pag-aaral na 40% ng mga Amerikano ay kulang sa pitong oras na pagtulog. Kaya naman ang mga tao ay mas madaling mapagod tuwing week days kaysa weekend.

Panonood ng telebisyon – Minsan, kahit wala ka naman regular na inaabangan na panonoorin sa telebisyon ay nakatutok pa rin ang iyong mga mata dito. Mas mabuti kung lilimitahan mo ang panonood ng tv bago ka matulog. Mas makabubuti kung matulog na lang ng maaga para mas makaramdam ng kaginhawahan kinabukasan at nakahanda ang katawan sa anumang trabahong madaratnan.

Huwag magmadali – Maging relax lang sa anumang gagawin. Masnakaka-stress kasi kung palaging nagmamadali at maaaring sirain nito ang buong araw mo sa trabaho. Ang paggising ng mas maaga ng 20-minuto sa nakatakdang oras ng iyong pagbangon sa kama ay mas mabuti upang magawa mo ang mga bagay na dapat mong gawin na hindi ka nagmamadali.