Aswang family (53)

NAKIKIPAG-UNAHAN sa biik si Grecong tikbalang. Babagsak sa lupa ang biik na nabitiwan ng aswang na si Aling Mameng.

Gu-wiii-iikk. Gu-wiii-iikk. Nakakikilabot ang ingay ng biik.

Tagadag-tagadagg-tagadagg. Lalong binilisan ng tikbalang ang takbo. Sasaluhin niya ang biik. Ewan kung para kainin nang buhay.

Si Shalinang manananggal ay nakatanaw, parang napako sa lugar—sa tindi ng suspense.

Si Aling Mameng ay napahinto sa paglipad, nanood din.

Ang kahating katawan ng manananggal ay naiwan sa sagingan.

Natuwa si Iskong sintu-sinto sa sitwasyon. “He-he-hee. Hatita…”

PLAGG.  Kaylakas ng tunog ng pagsalo ng tikbalang sa biik.

Buhay ang pang-lechon de leche. Gu-wii-iikk.

Binuhat ito ng tikbalang, dadalhin sa sagingan.

Ang mag-inang manananggal at aswang ay nagtuloy na sa sagingan.

Kasunod na si Grecong tikbalang, dala ang buhay na biik.

Tagadag-tagadagg. Gu-wii-iik.

Natigilan si Shalinang manananggal nang nasa sagingan na. “Bakit wala rito ang kaputol ko, Inay?”

“A-aba, ewan. Ang alam ko’y  naibaba na rito ni Greco, anak…”

“Dapat ay naihanda na ni Greco, Inay. Nauna siya rito kanina…”

Dumating ang tikba­lang. “Shalina, dumugtong ka na sa katawan mo! Magliliwanag na!”

“Greco, saan mo ba inilapag?”

Saka naunawaan ng tikbalang na nawawala ang kaputol na katawan.

Ang biik ay nangi­nginig, hawak na ng biyenang aswang.

May naulinigan sila sa dulo ng sagingan. Mga ungol na masagwa.

“Putang ama!” Napamura ang tikbalang. Alam na kung nasaan ang nawawalang  kaputol ni Shalina.

Sinugod ng tikbalang ang pinagmumulan ng mahalay na ungol. Nahuli sa akto ang pagsasamantala sa pang-ibaba ng misis.

Gulat na gulat si Iskong sintu-sinto. “Aaaahhh!”

Pinagsisipa na ito ni Grecong tikbalang. “Dapat ka nang mamatay! Napakasama mo!”    (ITUTULOY)