Gusto ng maka-move-on

Dear Vanezza,

Ako po ay isang tomboy. Nagkaroon ako ng gf at nagtagal kami ng 2 years. Pinagpalit niya ako sa ka-officemate niya na masugid niyang maliligaw noong panahon na kami pa. Masasabi ko po na walang kwenta ang lalaking ‘yun dahil lagi silang nag-aaway ng ex ko. Hindi niya mapantayan ang pagmamahal na binigay ko. Sa ngayon ay 6 months na kaming break pero hanggang ngayon ay siya pa rin ang mahal ko at laging naiisip. Hindi ko kayang magmahal ng iba kahit na gustuhin ko. Magka-text pa rin kami at nagkikita paminsan-minsan. Gusto ko lang po malaman kung ano po ba ang dapat kong gawin para hindi na ako masaktan at magselos ng sobra dahil sa ginawa niya. Gusto ko na mag-move on in a way na hindi ko sya kailangang iwasan.  - Gem

Dear Gem,

Isang masaklap na katotohanan sa buhay ng mga miyembro ng third sex na ang kanilang minamahal ay nakakakita ng miyembro ng opposite sex na mamahalin.  Mahirap mang gawin, mas makabubuting kalimutan mo na lang siya. Pinili niya ang lalaking yun sa simpleng dahilan na mas mahal n’ya ito. Kung nag-aaway man sila lagi, ito’y bahagi ng kanilang relasyon. Manatili na lang kayong magkaibigan at maluwag mong tanggapin ang iyong kapalaran. I-let go mo siya para maka-move on ka na.

Sumasaiyo,

Vanezza