Biglang nanlamig ang boyfriend

Dear Vanezza,

Just call me Mitchy, 17 years old. Meron po akong manliligaw. He’s just 16. I fell in love with him mula nang una ko siyang makilala. Sinagot ko siya just two months ago. Noong umpisa pa lang po ng aming relasyon ay palagi kaming magkasama. Malambing siya sa akin kung inihahatid niya ako sa amin at hinahalikan niya ako bago siya umaalis. Nagtaka na lang ako dahil lately, bigla siyang nagbago. Wala na ‘yung dating saya at pagiging sweet niya sa akin pero sa kabila nun ay hindi naman ako nagbabago. Sa tingin n’yo po ba hindi na niya ako mahal?

Dear Mitchy,

Kausapin mo siya to find out the real score. Hindi masamang kausapin siya dahil bf mo naman siya at napaka-unfair sa babae o lalaki kung nagpakita ng panlalamig ang kanyang kasintahan nang hindi niya alam ang dahilan. Pero dapat mo ring tandaan na sa edad mong 17, lubhang maaga pa para umibig nang seryoso. At lalong totoy na totoy pa ang bf mo kaya hindi mala­yong magbago siya ng damdamin dahil sa mura niyang edad. Huwag mong masyadong dibdibin ang problema mo and concentrate on your studies for a brighter future.

Sumasaiyo,

Vanezza