Hair loss treatment nasa paligid lang Last Part

Sinasabing mas magiging mataas ang pakinabang sa pagkonsumo ng naturang mga gulay kung ito ay napalaki sa organic na pamamaraan. Ipinapayo rin ng mga expert na mas mainam kung kakainin nang hilaw ang mga nasabing gulay. Sa kaso naman ng organic rice, sinasabing mas mainam na hindi ito hugasan kapag isinaing para hindi mawala ang mga natural na mineral na nasa bigas.

Sa kalusugan hindi lamang para sa buhok, balat o iba pang bahagi ng katawan, hindi mawawala ang importansiya para sa pag-inom ng sapat na dami ng tubig bilang importanteng bahagi ng ating diet. Dahil alam nating lahat ang halaga ng tubig laban sa dehydration at para makuha ng katawan ang mga kinakailangan nitong nutrients, kasama na rito ang pagkakaroon ng proper function ng bawat cell sa katawan, kabilang na ang hair follicles.

Gaya ng iba pang bahagi ng katawan, kailangan ng buhok ang lubrication. Dahil kung nakukulangan nito ang hair roots, sa katagalan ay magiging marupok, tuyo o maaaring tumigil sa pagtubo ang buhok, na maaaring humantong sa pagnipis at pagkalugas ng buhok.

Tandaan natin ang nasa 60 hangang 80 % tubig ang komposisyon ng ating katawan. Kaya bilang natural na hair treatment, ipinapayo na uminom ng 8 oun­ces o higit pa na tubig kada araw para sa ating buhok.