Pagkaing pang-ehersisyo...

Maraming nagnanais na magkaroon ng magandang katawan, maging babae man o lalaki. Kaya lang hindi gaganda ang iyong katawan kung puro exercise lang sa gym ang gagawin mo. Dapat mong samahan ng tamang pagkain ang iyong pag-eehersisyo.  Ayon sa mga gym-expert,  makabubuti kung kakain ka muna tatlo hanggang apat na oras bago ka mag-ehersiyo at dapat na ito ay “light meal” lang.  Narito ang mga pagkaing dapat mong kainin bago ka mag-work-out:

Kainin ang mga sumusunod na pagkain 3-4 na oras bago mag-ehersisyo:

Kaunting baked potato at beans na may kaunting keso.

Anim na crackers at isang hiwa ng keso at isang saging.

Lugaw at saging .

Kalahating tasa ng kanin, gulay at kaunting baboy.

Pasta at sauce gaya ng spaghetti

Dalawang hiwa ng toasted bread na may peanut butter at kombinasyon ng saging

Kainin  bago mag-ehersisyo 1-2 oras:

Isang slice ng toast na may jam

Oat bar

Isang slice ng fruit cake

Isang pirasong prutas

Cereal bar

Fruit yogart

Kapag ikaw ay nag-eehersisyo, kailangan mo rin na uminom ng mara­ming tubig o mga energy drink para matiyak mo na hindi ka manghihina.