Nag-sorry na pero ‘di pa rin mapatawad ang ex
Dear Vanezza,
Tawagin n’yo na lang akong Aries Girl, 18. Yung ex-bf ko po nakikipagbalikan sa akin. May feelings pa po ako sa kanya pero kapag naisip ko yung pang-aaway niya sa mga pinsan ko nagagalit ako ng sobra sa kanya. Nag-sorry na po siya pero hindi ko siya magawang patawarin. Pagpayuhan n’yo naman ako.
Dear Aries Girl,
Kung sa palagay mo ay hindi sapat ang paghingi niya ng sorry, ‘wag ka na lang makipagbalikan. Paano mong mamahalin ang isang tao kung hindi mo siya kayang patawarin? Pero kung mas nananaig ang pagmamahal mo sa kanya, matuto ka munang magpatawad bago mo siya bigyan ng second chance. At para matapos na ang hindi magandang namagitan sa inyo, hilingin mong mag-sorry din siya sa iyong mga pinsan at makipag-ayos sa mga ito. Dito mo siya masusubok kung talagang mahal ka niya. At kahit may bf ka, gawin mo pa ring priority ang pag-aaral na siyang mas mahalaga.
- Latest
