Ina ni Miguel, trending sa pagluluto

Proud si Miguel Tanfelix sa mga niluluto ng kanyang inang si Grace Tanfelix na may 2 million followers na sa social media accounts nito.

Ayon sa Mga Batang Riles star, maramihan daw talaga kung magluto ang kanyang mommy dahil marami raw itong pinapakain sa kanila.

“Una kasi nire-renovate po ‘yung kitchen niya, so, marami siya magluto para pakainin na rin ‘yung gumagawa ng kitchen. Pangalawang dahilan, kasi nasa isang compound po kami, so kasama namin ‘yung mga pamangkin ko, lola, tito, so, if gusto nila manghingi ng ulam, puwede na,” paliwanag ni Miguel.

Nagdadala rin daw si Miguel ng mga luto ni Mommy Grace sa set ng kanilang teleserye.

“Si Sir Ro­derick (Paulate), pinapanood niya po talaga si mommy tapos sinasabi niya, ‘Dalhin mo naman dito sa set si Mommy mo, dala ka naman ng pagkain.’ Pinaka-proud po ako na ipatikim sa lahat, ‘yung leche flan ni mommy, kasi ‘yun talaga ‘yung favorite ko. ‘Pag nagluto si mommy ng leche flan, nagdadala po talaga ako,” sey ni Miguel.

Mavy, may kailangang patunayan sa pagho-host

Mas maipapakita raw ni Mavy Legaspi ang husay niya sa pagiging TV host dahil sa pagkakasama niya sa Pinoy Big Brother Celebrity Collab Edition. “Kapuso Royal Tropa ni Kuya, Thank You, Lord. I can’t wait to meet the housemates,” caption ni Mavy sa kanyang Instagram post.

Nagkaroon ng experience si Mavy sa pagiging TV host noon via Sarap, ‘Di Ba? at Tahanang Pinakamasaya.

Pangako ni Mavy sa lahat ng mga taong sumusuporta sa kanta: “I won’t let any of you down. Ready to host.”

Mapapanood si Mavy kasama sina Bianca Gonzalez, Gabbi Garcia, Robi Domingo, Kim Chiu, Melai Cantiveros-Francisco, Enchong Dee, at Alexa Ilacad simula March 9.

Tiyak na ang pagtutok dito ng kanyang parents na sina Zoren Legaspi at Carmina Villarroel, twin sister Cassy Legaspi at girlfriend na si Ashley Ortega.

Shakira, naospital sa Peru

Kanselado ang tour ni Shakira sa bansang Peru dahil naospital ito with abdominal issues. “I am sorry to inform you all that last night I had to go to the ER for an abdominal issue and am currently hospitalized. My doctors whose care I am currently under have communicated that I am not in good enough condition to perform this evening. I am very sad to not be able to take the stage today. I’ve been looking forward to reuniting with my incredible fans here in Peru. Thank you all for your understanding, I love you all,” caption ng Latina singer via IG.

After seven years ay muling nag-stadium tour ang Hips Don’t Lie singer. Nag-open ang Las Mujeres Ya No Lloran tour sa Los Angeles last week.