BINI, nagsalita sa kumpetisyon nila sa SB19!

Itinanggi ng Nation’s Girl Group na BINI na may kumpetisyong namamagitan sa kanila ng SB19 at ng iba pang Pinoy pop group.

Sa guesting ng grupo sa Fast Talk with Boy Abunda ay isa nga sa napag-usapan ay kung paano nila hinaha-handle ang comparison and competition with other P-pop groups.

Sey ni BINI Mikha, “We take the competition and we use that as motivation for us to do even better, but we don’t want to bring them down through that competition, you know.”

Dagdag pa niya suportado nila ang buong OPM at hangad nila ang patuloy na tagumpay ng ating musika.

“For the other groups or different artists, we really want to support them. We support OPM and we hope that OPM rises altogether, not just us,” ani Mikha.

Idiniin naman ni BINI Stacey na hindi nila kalaban ang SB19.

“Oh my gosh, the answer is no. Hindi po talaga namin sila nakikita as our kalaban ganun kasi ‘yung friendship po namin on and off-cam, sobrang genuine po. Talagang sine-celebrate po amin ‘yung pag-angat ng OPM together,” ani Stacey.

Samantala, nilinaw rin ni BINI Maloi ang issue sa kanila ng singer na si Rico Blanco matapos silang mamataan na magkasama with some other musicians sa La Union kamakailan.

Nag-post kasi si Rico ng larawan sa kanyang bagong hotel kasama sina Maloi, Ben&Ben’s Pat Lasaten and Agnes Reoma, singer-songwriter Ischi, Over October’s Joshua Caleb Lua, Blaster Silonga, Zild Benitez, and lifestyle photographer Shaira Luna.

Ayon kay Maloi ay first time raw niyang na-meet si Rico that time although may mutual friends naman sila.

“Hindi ko alam pano nangyari ‘yun. Siguro may videos ‘yung Blooms na in-upload sa X and then na-crop siya, screenshot na parang bad angle, so it just shows na parang nag-holding hands, in-upload sa Facebook, kumalat hanggang sa nagkaroon na ng mga headlines,” sabi ni Maloi.

Kaagad naman daw niyang klinaro ang issue matapos niya itong makita sa online. “Nung nakita ko ‘yun, nag-tweet po agad ako na ‘Stop spreading fake news’ kasi ayoko na lumaki pa ‘yung gulo and gusto ko na linawin agad,” aniya.

Pia, kontra na i-normalize ang mga panglilibak sa social media!

Hindi nakapagpigil si Pia Wurtzbach at sinagot ang isang basher na nagwi-wish na mag-divorce na sila ng mister na si Jeremy Jauncey.

Sa kanyang Instagram Story ay ibinahagi ng beauty queen ang screenshot ng comment ng basher.

“Why black and brown Hermes purse is all you got? Para madali iterno? Di afford unique design??” ang unang comment ng hater.

Sinundan pa niya ito ng “Praying for your divorce soon, soon he will realize you are a user and can’t bring anything in the table. Pero mas maganda if pregnant ka muna so you’ll be divorce single mom. Manifesting.”

Sa ibaba ng screenshot ay mababasa ang bonggang sagot ni Pia. Tinawag niyang “exhausting” and “hurtful” ang comment at sinabing hindi raw dapat gawing normal ang ganitong klaseng online behavior.

“Just another day, another DM. Wild, right? C’mon people. Bagong taon na. Nag CNY pa. It’s exhausting, and hurtful din ha. Let’s stop normalizing this kind of online behavior. Out na natin yung ganito for 2025 and instead, let’s be nice to each other and support and uplift one another,” reaksyon ni Miss Universe 2015.

Well, tama naman talaga si Pia. Hindi dapat tino-tolerate ang ganitong rude comment.