Moira, in-unfollow nina Sam, Yeng, Erik at iba pa!

Usap-usapan ang pag-unfollow diumano nina Sam Milby, Yeng Constantino, Erik Santos, TJ Monterde at iba pa sa singer-songwriter na si Moira dela Torre.

Nagsimula raw ito nang bitawan si Moira ng kanyang talent management na Cornerstone Entertainment dahil sa diumano’y attitude problem nito.

May kumakalat na intriga na nagde-demand daw diumano ito sa management tungkol sa plano ng mga ito sa kanya.

Sinasabing masama raw ang loob ng Paubaya singer dahil matapos daw diumano siyang gawing “milking cow” ng management ay pakakawalan lamang ito dahil sa attitude?

Isa naman sa nagpaisip sa mga netizen ay ang pag-unfollow ni Sam Milby kay Moira.

Maaalalang sobrang close ng dalawa na parang mag-bestie at magkapatid na ang turingan noon.

Naging supportive kuya si Sam kay Moira na isa raw sa nag-motivate sa kanya na ituloy ang kanyang music career at tumulong sa kanya na magprod­yus ng album.

Kaya naman iba’t ibang ispekulasyon ang naiisip ng mga marites kung bakit nag-unfollow ito kay Moira. Ang iba ay iniisip na baka raw totoo ang diumano’y attitude problem nito lalo na kung totoong nag-unfollow ang mga ito sa kanya.

Sey naman ng iba ay posibleng si Moira ang nagtanggal sa mga iyon sa followers niya ngayong wala na siya sa kaparehong management ng mga ito.

Pero ang mga marites ay hindi sumusuko hangga’t hindi nila nalalaman kung bakit may nangyaring pag-unfollow kung meron man nga. ‘Kaloka sila noh.