Sheree at Gian may teenager na

Sixteen years old na pala ang anak ni Sheree Bautista sa singer-theater actor na si Gian Magdangal.

Ayon sa former member ng Viva Hot Babes, maayos ang relationship ni Gian sa anak nilang si Haley.

“We’re very good friends. Natutuwa ako ngayon sa relationship namin ni Gian. I even guested him in my concert. I genuinely feel na we get along,” sey ni Sheree.

Okey rin daw sila ng current partner ni Gian na si Lara Maigue.

“I love Lara at sana sila na talagang magkatuluyan. Gusto ko ‘yung tandem nila.

I’m just happy that our relationship is like this. We’re friends talaga.”

Dahil teenager na ang anak, nakiusap daw si Haley sa kanya na huwag nang gumawa ng sexy movies. Nag-promise siya na ang mga gagawin niya ay pang-General Patronage na.

Single raw ngayon si Sheree dahil nag-break sila ng kanyang boyfriend of eight years. Magkaiba raw kasi ang paniniwala nila sa kanilang relasyon.

“Divorced na siya and then, ayaw na niyang mag-asawa, gusto niya lang ng anak. May trauma siya sa marriage. Gusto ko naman na bago muna ako magkaanak ulit, gusto ko magpakasal muna. Gusto ko naman maranasan ang makasal,” sey niya na bukod sa pagiging singer ay isang mahusay na pole dancer.

Kelsey, dating sa Gossip Girl Actor

Spotted ang Pinay Victoria’s Secret model na si Kelsey Merritt na kasama sa Los Angeles ang actor na si Chace Crawford.

Nakunan sila papalabas ng isang coffee shop sa downtown L.A. May balita kasi na Kelsey is dating the Gossip Girl star at pina-follow nila ang isa’t isa sa Instagram.

Noong November 2024, kapwa silang nag-share ng similar photos ng trips nila to St. Barts.

Inamin naman ni Chace sa isang podcast show na single siya. Mga naging past girlfriends ng aktor ay sina Carrie Underwood, Rachelle Goulding, and Rebecca Rittenhouse.

Past boyfriends naman ni Kelsey ay sina Conor Dwyer at Rambo Nuñez, na husband na ngayon ni Maja Salvador.

Back in 2023, naka-dinner date ni Kelsey ang X-Men actor na si James Marsden.

Si Kelsey ang first Filipina to walk in the Victoria’s Secret Fashion Show in 2018 at na-feature siya sa Sports Illustrated Swimsuit Issue in 2019. In 2020, pumirma siya ng contract with Viva Artists Agency.

LGBTQIA members, bumida ang acting sa Oscars

Ang non-English musical crime film na Emilia Pérez ang nanguna sa 97th Academy Awards or the Oscars with 13 nominations.

Ang mga pelikulang The Brutalist at Wicked ay nakakuha naman ng tig-10 nominations.

Ikinatuwa ng LGBTQIA+ community sa Hollywood ang pagiging diverse sa dalawang acting categories ng Oscars.

For the first time in Oscar history, nominated for best actress ang Spanish transwoman na si Karla Sofia Gascon for Emilia Perez at ang openly queer and bisexual actress na si Cynthia Erivo for Wicked.

Ang openly gay actor na si Colman Domingo ay nakuha ang second best actor nomination niya for Sing Sing.

Si Conan O’Brien ang this year’s host ng Oscars which will air live from the Dolby Theatre at Ovation Hollywood on March 2.