Marc, nagsalita sa panlalaglag kay Maggie!

Naglabas ng statement ang TV host/model na si Marc Nelson at inihayag ang side niya sa pagkaka-involve niya sa kaso ng estranged couple na sina Maggie Wilson at Victor Consunji.

Sa kanyang statement na ipinost sa Instagram Story ay ipinaliwanag ni Marc na tumestigo siya sa Permanent Protection Order na inihain ni Victor laban kay Maggie dahil sa pagmamalasakit sa anak ng mag-asawa na si Connor na aniya ay inaanak niya.

“I understand that there has been some speculations or assumptions made about my involvement with a recent case involving Maggie Wilson and Victor Consunji regarding their son.

“To clear things up, l would like to clarify some points regarding this.

“My only concern regarding this matter is the welfare of their son, who happens to be my godson. He has already experienced many changes in his life and, unfortunately, has to navigate them publicly. At his age, he is beginning to build his identity and form new connections in school and within his community, which makes these public stories potentially harmful in the long run,” saad ni Marc.

“In a one-on-one conversation, he expressed to me how upset he has been about the social media posts his mother has made concerning him during the dispute between his parents. He specifically shared that these posts place him in an uncomfortable position, drawing unwanted attention and questions from both peers and adults— attention he neither likes nor wants.

“That is why, when called to testify, I had told the judge only what my godson had told me, nothing more and nothing less. This was for the express reason to have those particular posts about him stop and preserve his well-being,” patuloy niya.

Sinabi rin niyang hindi raw niya gustong makialam sa away ng mag-asawa at ang iniisip lang daw niya talaga ay ang kapakanan ng kanyang inaanak.

At bilang kahilingan na rin daw ni Connor ay hindi na siya magsasalita pa tungkol sa bagay na ito. Nakiusap din siya sa netizens na sana ay itigil na rin ang pagdamay sa pangalan ni Connor sa problema ng magulang.

“For the record, whilst I know both parents, l have intentionally never gotten involved in their dispute and have no desire to. My only concern has always been my godson and his wellbeing.

“In line with that, to honor his wishes, I don’t plan to say any more on this matter, and I would respectfully request the media to also do the same and keep his name and any reference to him out of any future articles concerning his parents. Thank you,” pagtatapos ng kaibigan ni Maggie.

Rufa Mae, naguguluhan sa mister

Hanggang ngayon ay hanging pa rin si Rufa Mae Quinto kung ano ba talaga ang estado nila ng mister na si Trevor Magallanes.

Matatandaang nag-release ng statement ang Fil-Am hubby ni Peachy (other name ni Rufa Mae) last December na pinoproseso na raw ang kanilang divorce.

Pero sa panayam ni King of Talk Boy Abunda sa sexy comedienne kamakailan ay sinabi niyang wala pa raw silang pina-file na divorce.

Sa latest interview ni Ogie Diaz kay Rufa Mae ay sinabi niyang hindi raw talaga niya alam kung bakit nagsalita si Trevor ng ganu’n.

“Baka ayaw na talaga niya. Siguro ayaw na niya ma-connect sa buhay ko or sa career ko, sa pangalan ko. Hindi ko rin alam eh. Kaya marami rin akong tanong, hindi ko na rin alam ang sagot or wala na talagang sagot,” aniya.

“Hindi ko nga alam kasi hindi na nga rin ako nagte-text eh, kasi baka ma-screenshot ulit,” natatawang biro pa ni Rufa Mae.

Matatandaan nga kasing nag-leak ang screenshot sa social media ng palitan nila ng mensahe ni Trevor at dito nga nagsimulang maghinala ang netizens na may problema sila.

Pero nilinaw naman ni Peachy na nag-uusap silang mag-asawa simply because may anak nga sila.

Para kay Rufa Mae ay legally married pa rin sila dahil nga wala pang pina-file na divorce, that’s why, nananahimik din siya.

“Hindi pa naman nag-file ng divorce or what, so wala akong dapat i-share. Pero dahil nagka-screenshot na, edi ‘yun na ‘yun. At least nabunutan na rin ako ng tinik kasi siya na nag-explain ng lahat in one screenshot,” aniya.

Inamin naman ng komedyana na nandu’n pa rin siya sa hope na baka maayos pa.

“Kumbaga parang tanggapin ko na kung ayaw na, respetuhin ko ‘yun. Pero ‘yung next action, siyempre, ‘yung anak namin. Pangalawa, baka naman. Baka naman maayos,” aniya.

“Sa edad kong ito, ayaw ko na ring mag-boyfriend. Halimbawa, maghahanap-hanap pa ng bago or iba na naman? Ayoko na ng ganun. Okay na ako.

“If ever, siya na ‘yung huli. For me, ha? Pero kung ayaw na niya, kailangan kong tanggapin,” sey niya.