Daniel, paikut-ikot sa bahay nila Kathryn?!
How true na spotted si Daniel Padila na paikut-ikot sa bahay ng ex-girlfriend na si Kathryn Bernardo nitong mga nakaraang linggo?
Ayon sa tsika ni Cristy Fermin sa kanyang Showbiz Now Na online show, may nagparating daw sa kanya ng balitang ito.
“Ilang gabi na raw po nitong nakaraang linggo na nakikita ang sasakyan ni Daniel Padilla na paikut-ikot sa subdivision kung saan nakatira ang mga Bernardo…sina Kathryn,” tsika ni Nay Cristy.
“Ang balita pa, humahanap talaga ng tao na makapagtutulay si Daniel para sa kanila ni Kathryn,” dagdag pa niya.
Of course, pwede naman daw itanggi, kumpirmahin o dedmahin na lang nina Daniel at Kathryn ang balitang ito.
Matatandaang ibinalita rin ni Ogie Diaz last month sa kanyang vlog na pinasok daw ni Daniel si Kathryn sa dressing room sa ginanap na ABS-CBN Christmas Special sa Araneta Coliseum
Sey ni Ogie, ayon sa kanyang source ay nagkausap daw sina Kathryn and Daniel sa dressing room at may dala pa umanong flowers ang aktor para sa ex.
Darryl Yap, dinadawit ang mga nasa kabilang buhay na
May bagong rebelasyon ang direktor na si Darryl Yap sa pagyao ni Pepsi Paloma.
Sa kanyang Facebook post ay ibinunyag niya na ang yumaong veteran actress na si Charito Solis diumano ang tumubos sa bangkay ni Pepsi Paloma
Nag-post si Darryl ng lumang larawan ni Charito at sa mahabang caption ay ikinuwento niya ang closeness ni Pepsi at ng veteran actress.
“Kailangan ng bawat isa ng Charito Solis sa kanilang buhay. Lingid sa kaalaman ng mga nagmamarunong— ang pagkakaibigan ni Charito Solis at Pepsi Paloma ay higit pa sa pagtuturingan ng magkapwa-artista,” simula ng direktor.
“Si Charito ang sandalan at hingahan ni Pepsi pagdating sa mga problema at pinagdadaanan sa showbiz. bagamat maraming nagbibida at nagsasabing nauna sila sa Morgue at kung anu-ano pa…” patuloy niya.
At nang pumanaw si Pepsi ay nagtungo pa diumano si Charito sa morgue at tinubos daw nito ang bangkay ng sexy actress.
“Kasama ni Charito Solis si Jaclyn Jose na tumungo sa Morgue noon matapos mabalitaan ang pagpanaw ni Pepsi. sa kabila ng katotohanan na naroon ang mga kaibigan nya at manager…
“Si Charito Solis ang tumubos sa bangkay ni Pepsi. Inasikaso niya ito upang maiayos at mapaglamayan. Kahit pa nagkasamaan sila ng loob at hindi nag-usap ng ilang taon,” pagbubunyag ni Darryl.
“Kailangan natin ng Charito Solis sa ating buhay; hindi man laging nakakasama, hindi maingay, nakatampuhan man, hindi ka iiwan hanggang sa dulo,” saad pa ng direktor.
Ano kayang hawak na ebidensiya ng mga sinasabi ng kontrobersyal na direktor?
Kapwa namayapa na sina Charito Solis at Jaclyn Jose.
- Latest
