KimPau, pinatunayang ‘di nag-disappear...!

Tinuldukan na ng Kapamilya actress na si Kim Chiu ang intrigang meron silang hindi pagkakaunawaan ng Star Cinema, matapos ma-reschedule ang release date ng My Love Will Make You Disappear movie nila ni Paulo Avelino.

Nag-post si Kim ng photo kasama ang mga Star Cinema staff member sa tila filming set ng pelikulang pagbibidahan nila.

Winelcome raw sila ng mga ito sa kanilang tent nang 5:00 a.m. pa lamang.

Final na nga raw na sa March na sila mapapanood imbes na February na una nilang inanunsyo.

Hindi na nga raw sila magdi-disappear.

Maaalalang nagkaroon ng intrigang nagtampo ang magka-loveteam sa Star Cinema matapos ngang ma-reschedule ang pelikula nila.

May cryptic post pa ang aktor kung saan sinabi nitong “Ma-experience nga na hindi tumapos ng pelikula” na nakadagdag sa ispekulasyon ng mga tagahanga.

Napansin din ng mga matanglawin na marites na in-unfollow na raw ng dalawa ang Instagram account ng film studio.

Sa pinost ni Kim ay mukhang naayos na nga ang anumang gusot kung meron man, na-nirepost naman ng aktor matapos nitong burahin ang lahat ng promo materials na pinost niya sa social media para sa pelikula nila.

Samantala, sey naman ng ibang mga netizen, hindi raw kaya gimik lang at bahagi lamang ng promo ang nangyari?

Mukhang pampaingay lang daw kasi para sa pelikula nila ang dramang pag-unfollow nila.

Depensa naman ng ibang KimPau fans ay kahit ano pa raw ang petsa ng pagpapalabas nito ay panonoorin pa rin nila ang mga idolo nila.

Bongga.