Chie, binato sa Dubai!

Naging usap-usapan ang pamamato sa aktres na si Chie Filomeno ng pen habang nasa isang show sa Dubai.

Kumalat ang video ni Chie habang ini-interview ng host ng isang show sa stage sa Dubai ay bigla na lamang may tumalsik na pen sa kinaroroonan ng aktres na tumama lamang sa hita nito.

Makikita rin sa mukha niya ang gulat sa nangyari.

Pati ang mga host ay nawindang din sa ginawa kay Chie pero hindi na nakita sa video ang mga sumunod na pangyayari kung may ginawa ba silang hakbang sa nambato.

Marami ang naawa at nag-alala sa aktres. Mabuti na lamang daw ay sa hita lamang nito tumama ang pen at hindi sa mata nito.

Masakit nga raw makita ang ganon dahil hindi raw kailangang bastusin ito lalo na at nagtatrabaho lamang ito. Kahit pa raw hindi gusto ang isang artista ay hindi raw makatarungan na saktan ito.

May mga netizen nga na kumukumbinsi kay Chie na kasuhan ang nambato para maturuan ng leksyon.

Kaya merong mga artista at personalidad na naglalagay talaga ng boundaries sa fans dahil meron sa mga ito ay may mga hindi magandang intensyon gaya na lamang ni Lea Salonga.

Meron ding mga ganitong nangyayari kahit sa mga celebrity sa ibang bansa kaya talagang doble ingat ang mga ito.

Kaya payo rin nila kay Chie ay mag-doble ingat ito dahil traumatizing talaga ang nangyari.

Hinihintay naman ng mga tagahanga niya kung magsasampa ito ng kaso sa bumato sa kanya.

‘Kaloka.