John Lloyd, walang plano sa career sa 2025?!

Walang alinlangan na si Direk Cathy Garcia-Sampana ang kasalukuyang may hawak ng Filipino record-breaking movie of all time, ang 2024 mega blockbuster hit movie na Hello, Love, Again na muling pinagtambalan nina Kathryn Bernardo at Alden Richards at ito’y pangsiyam na pelikula na bale ng in-house lady director ng ABS-CBN and Star Cinema na sumira ng box office records on Philippine cinema.

Direk Cathy started as assistant director nung 1993 hanggang 2004 at isa sa itinuturing niyang mentor ay ang writer-directed at dating Mana­ging Director ng Star Cinema na si Olivia Lamasan.

Si Direk Cathy ang nasa likod ng tagumpay ng maraming pelikula ng Star Cinema tulad ng Bcuz of You, Close to U, You are the One, You Got Me, One More Chance, Hello, Love, Goodbye, Hello, Love, Again among others.

Nung January 2024 ay na-break ang box office record na hawak ni Direk Cathy ng kanyang kaibigan at kasamahan sa ABS-CBN at Star Cinema bilang director na si Mae Cruz-Alviar nang lagpasan ang kanyang 2019, Hello, Love, Goodbye ng Rewind ng mag-asawang Dingdong Dantes at Marian Rivera sa kanilang 2023 Metro Manila Film Festival pero ang record ay muling nabawi ni Direk Cathy nung isang taon sa pamamagitan ng record-breaking movie na Hello, Love, Again, ang balik-tambalan nina Kathyryn Bernardo at Alden Richards na kumita ng mahigit P1.4B worldwide.

Samantala, bukod sa pagdidirek ng TV series at pelikula, pinasok na rin ni Direk Cathy ang talent management sa tulong ng kanyang husband na si Louie Sampana at ilang kaibigan including Mico Santos, Kizzy at iba pa.

Ayon kay Direk Cathy, frustrated umano siya sa ilang artista na hindi marunong mag-deliver ng kanilang mga linya kaya nagbuo sila ng sarili nilang pool of talents under Nickl Artist Management na binubuo ng mga singers-actors at isa sa mga ito ay ang mahusay na singer-actress na si Frenchie Dy.

Isa sa bagong projects na sisimulan ni Direk Cathy sa bakuran ng ABS-CBN ngayong 2025 ay ang bagong family drama movie na pangungunahan ni Piolo Pascual pero hindi niya muna sinabi ang ibang makakasama ng Kapamilya heatthrob.

Although wala pang bagong proyektong nakalatag for John Lloyd Cruz, gusto muli itong idirek ni Direk Cathy.

Kung hindi sana umalis sina John Lloyd Cruz at Bea Alonzo sa bakuran ng ABS-CBN ay tiyak na sunud-sunod pa rin ang mga proyekto nito both sa TV at pelikula.